"Бавария" ҳужумчиси Харри Кейн мюнхенликларнинг 20 ёшли ярим ҳимоячиси Жамол Мусиаланинг истиқболига баҳо берди.
“Мусиала шунчаки фантастик футболчи. Кучли менталитетга эга яхши йигит. У ҳар доим яхшиланишни ва қаттиқ ишлашни хоҳлайди. Охирги пайтларда жароҳатлар туфайли бироз омадсизликка учради, бу эса уни бироз ритмдан чиқариб юборди. Аммо “Манчестер Юнайтед”га қарши ўйинда қанчалик яхши ўйнаганини кўрдингиз.
Мен унга фақат ишлашни давом эттиришни, гол уришга ва голли узатма беришга ҳаракат қилишни маслаҳат бера оламан. Агар Мусиала шундай давом этса, уни катта келажак кутмоқда", - дея Кейн сўзларини келтиради TNT Sports.
