"ПСЖ" ҳужумчиси Гонсало Рамуш Чемпионлар лигаси гуруҳ босқичининг сўнгги турида Дортмунднинг "Боруссия" жамоасига қарши ўйинда жамоасига ёрдам бера олмайди. Le Parisien нашри хабарига кўра, португалиялик футболчи шамоллагани туфайли ўйинни ўтказиб юборади.
Эслатиб ўтамиз, агар бугун "ПСЖ" Дортмунднинг "Боруссия" жамоасига мағлуб бўлса, параллел ўйинда “Ньюкасл” ёки “Милан” ғалаба қозонса, парижликлар Чемпионлар лигасидан чиқиб кетишади.
Гонсало Рамуш жорий мавсум Франция чемпионатида ўн икки учрашувда учта гол урди. Ёзда "ПСЖ" 22 ёшли португалиялик ҳужумчи учун Лиссабоннинг "Бенфика" клубига 65 миллион евро тўлаганди.
