Англиянинг «Манчестер Сити» клуби ҳужумчиси Марио Балотелли шу ҳафтда клубини ўзгартириши мумкин, деб ёзмоқда «The Guardian» нашри.
«Сити» ва «Милан» ўртасидаги музокара бугун бўлиб ўтади. Трансфер эса ҳафта сўнггига бориб расман эълон қилиниши мумкин.
Инглиз клуби футболчини 31 миллион фунт стерлингга сотишни мўлжаллаганди, бироқ кейинчалик улар футболчини «Интер»дан сотиб олган нархи 24 миллион фунт стерлинг эвазига уни қўйиб юборишга рози эканини маълум қилган.
Агар томонлар трансфер масаласида келиша олишмаса, Балотеллининг ижара шартномаси борасида ҳам музокара бўлиб ўтади.