"Лацио" бош мураббийи Маурицио Сарри жамоаси Чемпионлар лигасининг 1/8 финалида "Барселона"га қарши ўйнашини исташини айтди.
“Тўғрисини айтсам, “Барселона” жамоамга рақиб бўлишини истардим. Мен бу жамоани мураббий сифатида ҳеч қачон учратмаганман. Ўйлайманки, бу ажойиб тажриба бўларди", - дея Сарри сўзларини келтиради Sky Sport.
Чемпионлар лигасининг “E” гуруҳида “Лацио” 10 очко билан иккинчи, “Барселона” эса 12 очко билан “H” гуруҳида биринчи ўринни эгаллади.
18 декабр куни Чемпионлар лигасининг 1/8 финал босқичига қуръа ташлаш маросими бўлиб ўтади.