«Наполи»нинг нигериялик марказий ҳужумчиси Виктор Осимхен янги шартнома имзолаганидан сўнг клуб тарихидаги энг кўп маош олувчи футболчига айланади.
Бу ҳақда инсайдер Фабрицио Романо ижтимоий тармоқлар орқали хабар берди.
Африкалик тўпурарнинг неаполликлар билан янги меҳнат шартномаси 2026 йилнинг ўрталарига қадар амал қилади. Маошнинг аниқ миқдори ҳозирча ошкор этилмаган.
Ўтган мавсумда Осимхен Италия чемпионатининг энг яхши тўпурари бўлди. Жорий А Серияда ҳужумчи барча турнирларда 15 та учрашувда иштирок этиб, 7 та гол ва иккита голли узатмани амалга оширган.
