«Napoli»ning nigeriyalik markaziy hujumchisi Viktor Osimxen yangi shartnoma imzolaganidan so‘ng klub tarixidagi eng ko‘p maosh oluvchi futbolchiga aylanadi.
Bu haqda insayder Fabrisio Romano ijtimoiy tarmoqlar orqali xabar berdi.
Afrikalik to‘purarning neapolliklar bilan yangi mehnat shartnomasi 2026 yilning o‘rtalariga qadar amal qiladi. Maoshning aniq miqdori hozircha oshkor etilmagan.
O‘tgan mavsumda Osimxen Italiya chempionatining eng yaxshi to‘purari bo‘ldi. Joriy A Seriyada hujumchi barcha turnirlarda 15 ta uchrashuvda ishtirok etib, 7 ta gol va ikkita golli uzatmani amalga oshirgan.