Россия ёшлар терма жамоасининг жаҳли чиқди шекилли, гуруҳ босқичининг 3-турида Қозоғистонни 7:3 ҳисобида мағлубиятга учратди.
Ўйинни мезбонлар ўта фаол бошлашди ва 13-дақиқага келиб ўйинда 2:0 ҳисобида олдинга чиқиб олишди. Аммо қозоғистонликлар 27 ва 31-дақиқаларда кетма-кет 2та гол уриб ҳисобни тенглаштирди.
Аммо 36-дақиқада ҳакам қозоғистонлик футболчини майдондан четлатди. Куат майдондан четлатилиши етмагандек, меҳмон жамоа дарвозасига пенальти ҳам белгиланди. Айтиш мумкинки, айнан шу дақиқа учрашувда ҳал қилувчи аҳамиятга эга бўлди. Руслар пенальти ёрдамида ҳисобда олдинга ўтиб олишди.
Иккинчи бўлимда ҳам дарвозаларга 5та гол киритилди. Шулардан 3таси компенсация вақтида киритилгани эътиборга молик.
Россия терма жамоаси худди Ўзбекистон каби 5 очко тўплади ва тўплар фарқига кўра, гуруҳ ғолиби бўлди (ўзаро ўйинда дуранг қайд этилган). Қозоғистон эса бугунги ўта йирик ҳисобдаги мағлубиятга қарамай, чорак финалга чиқди.
Ҳамдўстлик кубоги-2013. "В" гуруҳи. 3-тур
РОССИЯ - ҚОЗОҒИСТОН - 7:3 (3:2)
Голлар: Панюков (2, 85, 90+5), Обухов (13, 36-пенальти), (74), (90+2) — Лунин (27), Калижанов (31), Бауржан (90+1)
Четлатиш: Куат (36) — Қозоғистон
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Россия | 3 | 1 | 2 | 0 | 9-5 | 5 |
| 2 | Ўзбекистон | 3 | 1 | 2 | 0 | 5-4 | 5 |
| 3 | Қозоғистон | 3 | 1 | 0 | 2 | 6-9 | 3 |
| 4 | Қирғизистон | 3 | 0 | 2 | 1 | 3-5 | 2 |
