Чоршанба оқшомида "Порту" "Шахтёр"ни 5:3 ҳисобида мағлуб этди ва 12 очко билан Чемпионлар лигаси плей-офф босқичига йўл олди.

"Аждарлар"нинг голларидан бирини тажрибали ҳимоячи Пепе киритди. Португалиялик футболчи 40 ёшу 290 кунлигида гол уриб, Чемпионлар лигаси рекордини янгилади. Пепе турнир тарихидаги энг кекса тўпурар ҳисобланади.

18 декабрь, душанба куни Чемпионлар лигасининг 1/8 финал босқичига қуръа ташлаш маросими бўлиб ўтади. "Порту"нинг рақиблари "Бавария", "Арсенал", "Реал", "Реал Сосьедад", "Атлетико", "Боруссия" ёки "Манчестер Сити" бўлиши мумкин. Плей-офф ўйинлари одатдагидек февраль ойида бошланади.