Ярим ҳимоячи Френки де Йонг касаллиги туфайли "Барселона"нинг Чемпионлар лигаси гуруҳ босқичидаги сўнгги ўйинини ўтказиб юборди. Шу билан бирга, "RAC1" хабарига кўра, Каталония клуби спорт директори Деку де Йонг билан телефон орқали мулоқот қилган.
Функционер нидерландияликнинг касаллик ҳақидаги сўзларига шубҳа билан қаради ва уларни баҳона деб ҳисоблади.
Эслатиб ўтамиз, “Барселона” чоршанба куни меҳмонда “Антверпен”га 2:3 ҳисобида имкониятни бой берган эди. Шунга қарамай, Хави жамоаси Чемпионлар Лигаси гуруҳида биринчи ўринни эгаллаб, кейинги босқичга чиқди.
18 декабрь, душанба куни Чемпионлар лигасининг 1/8 финал босқичига қуръа ташлаш маросими бўлиб ўтади.
