Аргентина терма жамоаси бош мураббийи Лионель Скалони терма жамоа бошчилигидаги келажаги ҳақида гапирди.
"Барча жараёнларда тўхташ ва ўйлаш учун вақт бор. Кейин эса биз мураббийлар штаби сифатида аввал қилган ишимизни қила оламиз: яна юқори савияда рақобатлашамиз, бу бизнинг мақсадимиз. Биз шу ердамиз, ўша кундан бери ҳеч нарса ўзгармади", - деди Скалони Movistar билан суҳбатда.
Эслатиб ўтамиз, аввалроқ ОАВда Скалони ЖЧ-2026 саралашида Бразилияга қарши ўйиндан (1:0) кейин бу ҳисобда шубҳа борлигини ошкора айтганига қарамай, Аргентина терма жамоаси бош мураббийи сифатида қолишга қарор қилгани ҳақида хабарлар тарқалган эди.
45 ёшли мутахассис бошчилигида Аргентина терма жамоаси Қатарда 2022 йилги жаҳон чемпиони, 2021 йилги Америка кубоги, 2022 йилги Финалиссима ғолибига айланди.
