"Аталанта" марказий ҳужумчиси Луис Муриэль россиялик ярим ҳимоячи Алексей Миранчукнинг сўнгги учрашувлардаги ўйини ҳақида ўз фикрлари билан ўртоқлашди.
"Алексей билан "Милан" дарвозасига гол ургандик, энди эса "Ракува"га қарши ўйинда ҳам шундай қилдик. Миранчук иқтидорли футболчи. У буни ҳар сафар исботлайди", - деди Муриэль клуби матбуот хизматига.
"Ракова" билан сўнгги ўйинда Миранчук асосий таркибда майдонга тушди ва биринчи бўлим бошида Муриэлга ассистентлик қилди.
А Сериянинг жорий мавсумида россиялик футболчи олтита ўйинда майдонга тушиб, битта голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
