Россия терма жамоасининг ўртоқлик учрашувидаги навбатдаги рақиби Сербия терма жамоаси бўлади.

Сербиянинг Tanjug ахборот агентлиги хабарига кўра, Россия ва Сербия терма жамоалари ўртасидаги учрашув 2024 йилнинг март ойи охирида бўлиб ўтиши режалаштирилган. Манба берган хабарга кўра, учрашув "Зенит"нинг Санкт-Петербургдаги уй стадиони - "Газпром Арена"да бўлиб ўтади.

Қайд этилишича, Сербия Россия билан синов ўйинини ўтказиш учун аввало УЕФА ва ФИФАдан рухсат олиши керак.

Эслатиб ўтамиз, Валерий Карпин шогирдлари сўнгги ўртоқлик ўйинида кубалик футболчиларни 8:0 ҳисобида мағлуб этганди.