Миланнинг "Интер" клуби яқинда март ойигача сафдан чиққан ўнг қанот ҳимоячиси Хуан Куадрадонинг ўрнига асосий номзодни аниқлади.
La Gazzetta dello Sport нашри маълумотларига кўра, "нерадзуррилар" учун вариантлардан бири Дортмунднинг "Боруссия" жамоаси ҳимоячиси Томас Мёнье.
Қайд этилишича, "арилар" билан шартномаси ёзда тугайдиган тажрибали бельгиялик футболчи январь ойидаёқ эркин агентга айланиши мумкин. Гап шундаки, яқин орада ҳеч қандай товон пулисиз ундан қутилишга тайёр "Боруссия" раҳбариятининг режаларига Мёнье киритилмаган.
Мёнье жорий мавсум Германия Бундеслигасида атиги иккита ўйинда майдонга тушди.
