"Челси" ҳимоячиси Тьяго Силва мухлислар унинг 39 ёшига ҳаддан ташқари аҳамият бераётганидан хафа.
"Одамлар биринчи навбатда менинг ёшимга қарашади, лекин мен улар аввало тажрибага қарашларини афзал кўраман. Шунга қарамай, мен ўзимни жуда яхши ҳис қиламан. Мен бор эътиборимни яхши ўйин кўрсатишга қаратганман" - деди Силва "Челси" расмий сайтига.
Эслатиб ўтамиз, Силванинг Лондон клуби билан шартномаси мавсум охирида якунига етади. Шу билан бирга, Маурисио Почеттино жамоаси тажрибали бразилиялик билан шартномани узайтириши эҳтимоли бор. Тьягода бешинчи мавсум "Стэмфорд Бридж"да қолиш имконияти бор.
