«Манчестер Сити» бош мураббийи Пеп Гвардиола жамоасининг Англия премьер-лигасидаги сўнгги ўйини ҳақида гапирди.

«Шаҳарликлар» ўз майдонида «Кристал Пэлас»ни мағлуб эта олмади – 2:2. Меҳмонлар 95-дақиқада пенальтини голга айлантириб, ҳисобни тенглаштиришди. Гвардиола жамоаси учун бу чемпионат доирасидаги кетма-кет учинчи дуранг бўлди.

«Биз кўп деталларда яхши эдик, аммо ўйинларда ғалаба қозонишга бу кифоя қилмади. Ҳозир шундай бўлди, «Ливерпул» билан, «Тоттенхем» билан ўйинда муваффақиятсизлик содир бўлди. Бу ҳақда ҳеч нарса қила олмаймиз.

Охирида ўтказиб юборилган голлар шунчаки омадсизлик эмас. Ҳаммаси адолатли. Биз икки очко йўқотдик, рақибимизга бир пенальтини бердик», деди испаниялик мураббий.