«Manchester Siti» bosh murabbiyi Pep Gvardiola jamoasining Angliya premyer-ligasidagi so‘nggi o‘yini haqida gapirdi.
«Shaharliklar» o‘z maydonida «Kristal Pelas»ni mag‘lub eta olmadi – 2:2. Mehmonlar 95-daqiqada penaltini golga aylantirib, hisobni tenglashtirishdi. Gvardiola jamoasi uchun bu chempionat doirasidagi ketma-ket uchinchi durang bo‘ldi.
«Biz ko‘p detallarda yaxshi edik, ammo o‘yinlarda g‘alaba qozonishga bu kifoya qilmadi. Hozir shunday bo‘ldi, «Liverpul» bilan, «Tottenxem» bilan o‘yinda muvaffaqiyatsizlik sodir bo‘ldi. Bu haqda hech narsa qila olmaymiz.
Oxirida o‘tkazib yuborilgan gollar shunchaki omadsizlik emas. Hammasi adolatli. Biz ikki ochko yo‘qotdik, raqibimizga bir penaltini berdik», dedi ispaniyalik murabbiy.
