"Интер" ярим ҳимоячиси Дэви Классен жамоани тарк этиш ниятида эмас.

30 ёшли футболчи камдан-кам ҳолларда майдонга тушади, шунинг учун матбуотда унинг яқин орада кетиши ҳақида миш-мишлар тарқалди. Журналист Николо Скиранинг ёзишича, нидерландиялик футболчи Симоне Индзаги жамоасида захирадан жой эгаллашига қарамай, мавсум охиригача “Интер”да қолиш ниятида.

Классен ёзги трансфер ойнасининг сўнгги кунида "нерадзуррилар" сафига Амстердамнинг "Аякс" клубидан эркин агент сифатида қўшилди. Ярим ҳимоячи "Интер" таркибида барча турнирларда бор-йўғи олтита ўйинда майдонга тушди ва бирорта ҳам самарали ҳаракат қилмади.