"Реал" ярим ҳимоячиси Орельен Тчуамени сафга қайтишга яқин турибди.
Франциялик футболчи мавсум бошида Карло Анчелотти жамоасининг муҳим ўйинчисига айланган, аммо октябрь ойи охирида жароҳат олганди. Madrid Zone маълумотларига кўра, "Лос Бланкос" жорий мавсумда Тчуамени биринчи дақиқалардан майдонга тушган 13 ўйиннинг 12 тасида ғалаба қозонган ва бирорта ҳам мағлубиятга учрамаган. 23 ёшли футболчи якшанба куни бўлиб ўтадиган "Вильярреал"га қарши Ла Лига ўйинида майдонга қайтиши мумкин.
Тчуамени жорий мавсумда "Реал Мадрид" сафида барча мусобақаларда 14 та ўйинда майдонга тушиб, битта гол урди.
