"Real" yarim himoyachisi Orelyen Tchuameni safga qaytishga yaqin turibdi.
Fransiyalik futbolchi mavsum boshida Karlo Anchelotti jamoasining muhim o‘yinchisiga aylangan, ammo oktyabr oyi oxirida jarohat olgandi. Madrid Zone ma’lumotlariga ko‘ra, "Los Blankos" joriy mavsumda Tchuameni birinchi daqiqalardan maydonga tushgan 13 o‘yinning 12 tasida g‘alaba qozongan va birorta ham mag‘lubiyatga uchramagan. 23 yoshli futbolchi yakshanba kuni bo‘lib o‘tadigan "Vilyarreal"ga qarshi La Liga o‘yinida maydonga qaytishi mumkin.
Tchuameni joriy mavsumda "Real Madrid" safida barcha musobaqalarda 14 ta o‘yinda maydonga tushib, bitta gol urdi.