"Бавария" ҳужумчиси Лерой Сане жамоасининг Германия чемпионатида "Штутгарт" устидан қозонилган ғалаба (3:0) ҳақида гапирди. Ушбу ўйинда Сане битта голли узатмани амалга оширди.

"Штутгарт"га қарши ўйин биз учун келажакдаги ўйинларимиз намуна бўлиши керак. "Штутгарт" билан ўйинда бўлгани каби ҳимояда ҳам эҳтиёткор бўлишимиз керак. Ҳимоямиз ажойиб эди. "Штутгарт" мавсумни яхши ўтказмоқда, улар бугун тўпга кўп эгалик қилишди. Лекин ўйлайманки, биз жуда яхши ўйнадик ва рақибга бир дақиқа ҳам имкон бермадик. Мураббий кўп югуришимиз ва курашишимиз кераклигини айтди, биз буни қилдик. Биз ҳужумда имкониятларга эга бўлишини билардик", - деди Сане ўйиндан кейинги интервьюсида.