"Рома" бош мураббийи Жозе Моуриньо "Манчестер Юнайтед"даги фаолияти ҳақида фикр билдирди. Эслатиб ўтамиз, португалиялик мутахассис 2016 йилдан 2018 йилгача "манкунианликлар"ни бошқарган. Моуриньо клуб сафида Европа Лигаси, Лига кубоги ва Англия Суперкубогини қўлга киритди.

"Манчестер Юнайтед"даги вақтим? Мен ҳеч қачон афсусланмайман. Мухлислар мен бор кучимни берганимни ва клубни севишимни билишади. Ишдан кетганимдан бир неча ой ўтгач, мен Sky Sports учун эксперт сифатида "Олд Траффорд"га бордим. Деярли бутун стадион менга юзланди ва менинг исмимни куйлашни бошлади" - деди Моуриньо The Obi One Podcast билан суҳбатда.

Эслатиб ўтамиз, Моуриньо Англияда “Челси” ва “Тоттенхэм”ни ҳам бошқарган.