"Челси" бош мураббийи Маурисио Почеттино мухлисларни ҳужумчи Кристофер Нкункуга вақт бериш кераклиги ҳақида огоҳлантирди.
Франциялик футболчи жароҳатидан яқинда фориғ бўлди ва у ҳафта охирида “Шеффилд Юнайтед”га қарши ўйин учун таркибга киритилган бўлса-да, янги жамоасида ҳали дебют ўтказмади.
«Биз Кристофер майдонга тушишга 100% тайёр эканлигини ҳис қилмоқчимиз. Мен унга ортиқча босим ўтказишдан қўрқаман.
Баъзилар у дарҳол майдонга тушиб, биз учун ўйинларда ғалаба қозонади деб ўйлашлари мумкин. Бу тўғри эмас, унга вақт керак.
"Ньюкасл" билан ўйинда у ўйин амалиётига эга бўлиши мумкин", - деди Почеттино матбуот анжуманида.
