"Интер" бош мураббийи Симоне Индзаги Чемпионлар лигаси 1/8 финалига қуръа ташлаш маросимидан сўнг ўз фикрларини билдириб ўтди. Милан клуби бу босқичда “Aтлетико”га қарши майдонга тушади.
“Булар иккита сифатли жамоа ўртасидаги ажойиб ўйинлар бўлади. Биз бундан хурсандмиз, чунки биз Европада бундай муҳим учрашувларни мунтазам равишда ўтказишда давом этамиз.
Сўнгги 10 йил ичида "Aтлетико" икки марта Чемпионлар лигаси финалида ўйнади. Бу жамоанинг ушбу турнирда ўзига хос анъаналари бор.
Бизнинг клубимиз ҳам бундан фарқ қилмайди ва биз мухлисларимизга қувонч бахш этиб, яна орзу қилишга ҳаракат қилмоқчимиз", - дея Индзагининг сўзларини келтиради Football Italia.
