Мадриднинг “Реал” клуби Давид Алаба жароҳати туфайли марказий ҳимояни кучайтириш ниятида.
Кеча Ла Лига доирасида "Вильярреал"га қарши ўйинда (4:1) Алаба тиззасининг хоч боғламини йиртиб олди. "Реал" ҳимоячиси операция қилинади ва мавсумнинг қолган қисмини, жумладан, Евро-2024ни ҳам ўтказиб юбориши мумкин.
Август ойида Эдер Милитао жароҳатидан сўнг, "Реал Мадрид" ёш марказий ҳимоячиларни ҳамёнбоп нархда қидира бошлади. Алаба жароҳати фонида мадридликлар ўз ишини кучайтирмоқчи, январда трансфер амалга ошиши мумкин.
Бошқалар қаторида "Реал" "Аталанта" ва Италия терма жамоаси ҳимоячиси Жоржио Скальвини ҳамда "Айнтрахт" ҳамда Эквадор терма жамоаси ҳимоячиси Вильян Пачога қизиқиш билдирмоқда.
Қолаверса, тажрибали марказий ҳимоячини ижарага олиш варианти ҳам бор.
Олдинроқ Мадриднинг “Реал” клуби “Бенфика”дан Антониу Силва ва “Спортинг”дан Гонсалу Инасиуга қизиқиш билдираётгани ҳақида хабар берилганди.