"Барселона" президенти Жоан Лапорта январь ойида ярим ҳимояга янги футболчи олиб келишга ҳаракат қилишини айтди.
"Агар биз FFP (молиявий фейр-плей) билан муаммони ҳал қилсак, Гавининг йўқотилишини қоплайдиган ярим ҳимоячи олиш ниятимиз бор. Бу кўп йиллар олдин, масалан, Эдгар Девидс билан бўлгани каби, мавсум охиригача мўлжалланган ижара бўлади.
Бизда молиявий барқарорликни таъминлаш учун катта имкониятлар бор, ўйлайманки, йил охиригача биз FFP муаммосини ҳал қиламиз, чунки бизда бир қатор операциялар ўтказилмоқда ва улар тасдиқланса, бизда трансферлар учун имкониятлар бўлади”, - деди Лапорта.
