"Реал Мадрид" Испания Ла Лигасида чемпионлик пойгаси учун яққол фаворит.

"Қаймоқранглилар" 42 очко билан турнир жадвалида иккинчи ўринда бормоқда, "Жирона" 44 очко билан пешқадам. “Барселона” учинчи ўринда (17 ўйиндан кейин 35 очко), “Атлетико” эса тўртинчи ўринда (16 ўйиндан кейин 34 очко).

Opta ҳисоб-китобларига кўра, "Реал Мадрид" барча рақобатчилардан чемпионлик учун курашда устунликка эга: "Лос-Бланкос"нинг чемпионликни қўлга киритиш эҳтимоли 89%, амалдаги чемпион "Барселона"нинг ғалаба қозониш имконияти эса 2% дан кам. "Атлетико Мадрид"нинг имкониятлари 4,5%, "Жирона"нинг имкониятлари 4,1% деб баҳоланмоқда.