Саудия Арабистонининг “Ал-Иттифоқ” клуби бош мураббийи лавозимини эгаллаб турган англиялик мутахассис Стивен Жеррард маҳаллий чемпионатга хорижлик ҳакамларни таклиф этиш тарафдори.
"Ал-Таавун" билан сўнгги ўйин (0:2) бизга бундай учрашувлар учун хорижлик ҳакамлар кераклигининг сабабини кўрсатди. Жамоам ноҳақ пенальти билан жазоланди. Акс ҳолда ўйин мутлақо тенг эди. Яққол тўп қўлга текканидан кейин ҳакам рақиб дарвозасига пенальти белгиламади. Рақибларимизга пенальти белгиламаслик тенденцияси давом этмоқда", - деди Жеррард Tribal Football билан суҳбатда.
17 турдан сўнг Жеррард шогирдлари турнир жадвалида саккизинчи ўринда бормоқда.
