"ПСЖ" бош мураббийи Луис Энрике ҳужумчи Килиан Мбаппе билан муносабатлари ҳақида фикр билдирди.

Эслатиб ўтамиз, матбуотда футболчи ва мураббий ўртасидаги можаро ҳақида миш-мишлар тез-тез чиқа бошлаган. Мбаппе Дортмунднинг "Боруссия" жамоасига қарши ўйинда Энрикени ҳимоявий услуби учун танқид қилганидан кейин вазият кескинлашди.

"Мбаппе билан муносабатларимиз ёмонми? Муносабатларимиз ҳар доимгидек мукаммал. Нега менга бу саволни бераётганингизни билмайман. Килиан ва мен доим яқинмиз. Умид қиламанки, у муваффақиятга эришишда давом этади ва "ПСЖ"да қолади", - деди Энрике жамоасининг навбатдаги ўйини олдидан ўтказилган матбуот анжуманида.