"Спартак" ярим ҳимоячиси Виктор Мозес "Интер"нинг номзодлар рўйхатидан жой олди. Бу ҳақда Inter Zone хабар бермоқда.
Эслатиб ўтамиз, аввалроқ москваликлар 33 ёшли футболчи билан муддати 2024 йил ўрталарида тугайдиган шартномани узайтирмаслиги ҳақида маълумотлар пайдо бўлган эди.
Жорий мавсумда Виктор барча турнирларни ҳисобга олган ҳолда 13 та учрашувда қатнашиб, битта гол урди ва битта голли узатмани амалга оширди.
Transfermarkt портали маълумотларига кўра, нигериялик футболчининг нархи бир ярим миллион еврога тенг. Айтиш жоизки, Мозес ўзининг энг юқори чўққисида 20 миллион еврога эга эди.
18 турдан кейин "Спартак" 30 очко билан Россия чемпионати турнир жадвалида бешинчи ўринни эгаллаб турибди.
