Португалиялик мураббий Нуну Эшпириту Санту яқин кунларда "Ноттингем Форест"ни бошқариш учун Англияга жўнаб кетди. Бу ҳақда Фабрицио Романо ижтимоий тармоқларида ёзди.
"Нуну Эшпириту Санту "Ноттингем Форест" клубининг янги бош мураббийи бўлиш учун шартнома имзолашни режалаштираётган Англияга сафар қилмоқда. Келишув муқаррар, агар ҳаммаси режа бўйича кетса, у Стив Куперни алмаштиради", - деб пост қолдирди Фабрицио ўзининг ижтимоий тармоқлардаги саҳифасида.
Португалиялик мутахассиснинг сўнгги иш жойи Саудия Арабистонининг “Ал-Иттиҳод” клуби бўлганди. У ўтган йилнинг кузида ёмон натижалар туфайли клубни тарк этган. Англияда мутахассис аввалроқ “Вулверхэмптон” ва “Тоттенхэм” клубларида ишлаган.
