Жозе Моуриньонинг "Рома" билан амалдаги шартномаси жорий мавсум охиригача амал қилади.
Шу билан бирга, клуб португалиялик мутахассис билан шартномани узайтириш борасида қарор қабул қилишга шошилмаяпти.
La Gazzetta dello Sport нашри хабар беришича, "Рома" раҳбарлари жамоанинг мавсумнинг иккинчи қисмидаги натижаларини баҳолаб, кейин мураббийлик масаласини ҳал қилмоқчи.
Аввалроқ Моуриньо "Рома" раҳбарияти яқин келажакда унинг келажаги ҳақида унинг муддати тугайдиган шартномаси борасида қарор қабул қилиши кераклигини айтганди.
Айни пайтда "Рома" Италия чемпионати турнир жадвалида саккизинчи ўринда бормоқда.
