"Реал Мадрид" бош мураббийи Карло Анчелотти Тони Кроос келаси йили фаолиятини якунламаслигига умид қилмоқда.

Немис футболчиси ўтган мавсум охирида фаолиятини якунлаш ҳақида жиддий ўйлаган, аммо шартномасини 2024 йилнинг ўрталарига қадар узайтиришга қарор қилганди. Жорий мавсум ярим ҳимоячининг футболдан кетишидан олдинги охиргиси бўладими ёки йўқми номаълум, аммо "Реал" футболчини яна сақлаб қолиш ниятида. Diario AS хабарига кўра, Анчелотти аллақачон Кроосни фаолиятини якунламасликка, балки клубда яна бир йил ўтказишга ишонтирмоқда. Мадридликлар раҳбарияти ҳам у билан 2025 йилгача шартнома имзолашни истамоқда.

4 январь куни Тони Кроос 34 ёшга тўлади. Унинг жорий мавсумда битта гол ва бешта голли узатмаси бор.