Ўтган мавсумда ижарада асосида қўқонликлар сафида ўйнаган Асадбек Зокиржонов клубнинг тўлақонли аъзосига айланди ва “Қўқон-1912” жамоаси билан уч йиллик шартнома имзолади. Янги келишувдан сўнг футболчи қисқа интервью берди.

- Жамоа мени жуда яхши кутиб олди, биз бир оила каби ҳаракат қилдик. Иккинчи даврада барчаси яхши бўлди. Бизга озгина омад етишмади ва ўтиш учрашувида мағлуб бўлдик.

“Қўқон-1912” жамоасидаги фаолиятимни давом эттиришга қарор қилдим. Мураббийлар менга ишонч билдиришмоқда ва мен ўзим истаган жамоада эканлигимни ҳис қилдим.

- Нега 25 рақамда ҳаракат қиламан?

- Менга ушбу рақамда ўйнаш ёқади. Худо хоҳласа, Одил Аҳмедов сингари яхши даражадаги футболчи бўлиб етишаман.

- Қўқон жамоасининг мухлислари ҳақида...

- Улар бизга ишонишлари ва доим қўллаб туришларини хоҳлаган бўлардим. “Қўқон-1912” жамоасининг мухлисларида Ўзбекистондаги энг зўрларидан бири. Худо хоҳласа, келаси йил улар билан жамоани Суперлигага чиққанини нишонлаймиз." - деди Зокиржонов.