"Манчестер Сити"нинг таянч ярим ҳимоячиси Кэлвин Филлипс фаолиятини Испания чемпионатининг топ-клубида давом эттириш имкониятига эга. Бу ҳақда "Barca Universal" хабар бермоқда.

Журналистларга маълум бўлишича, "Барселона" инглиз футболчисини ўз сафига қўшиб олмоқчи. "Блауграна" раҳбарлари январь ойида футболчининг трансфери бўйича таклиф билан чиқишмоқчи. “Барселона”нинг футболчи учун курашдаги асосий рақиби Туриннинг “Ювентус”и саналади, у “шаҳарликлар” билан анчадан бери музокара олиб бормоқда.

Филлипс "Манчестер Сити"да захира ўйинчиси ҳисобланади. Жорий мавсумда у еттита ўйин ўтказиб, битта гол урди.