"Челси" ярим ҳимоячиси Михаил Мудрик Англия Лига кубоги чорак финалида "Ньюкасл" устидан қозонилган ғалабадан сўнг журналистлар билан суҳбатлашди. Ўйин вақти 1:1 ҳисобида дуранг билан якунланган бўлса, пенальтилар сериясида “аристократлар” аниқроқ ҳаракат қилишди – 4:2.
“Бу биз учун жуда муҳим натижа. Бир-бирингизга ишонсангиз, ҳамма нарса мумкин бўлади. Ўйин олдидан устозимиз ушбу турнирда ғалаба қозонишга ҳаракат қилишимизни айтди. Бизнинг режаларимиз ўзгармади. Биз кейинги ўйинни интиқлик билан кутмоқдамиз ва биз ғалаба қозонамиз”, — деди украиналик вингер.
Эслатиб ўтамиз, шу ўйинда Мудрик қўшиб берилган вақтда гол урди.
