Россия ва Ўзбекистон ёшлар терма жамоалари ўртасидаги чорак финал баҳсидан кейинги матбуот анжуманида Аҳмаджон Мусаев ҳам россиялик ҳамкасбининг фикрига қўшилди.

"Жуда яхши ўйин бўлди. Бунинг учун рақиб жамоага раҳмат. Россияга қарши ўйнаш ҳамиша қизиқарли. Натижага қарамасдан, мен ўйинимиздан қониқиш ҳосил қилдим. Шогирдларим фаол, баъзида улар ўйламасдан, ортга қарамасдан олдинга интилишади. Бу яхши. Демак, улар бефарқ эмаслар. Бу менга ёқади. Боз устига биз индивидуал ва жамовий жиҳатдан кучли бўлган россияликларга қарши ўйнадик. Футболчиларнинг ғалабага бўлган иштиёқи юқори бўлса — мураббийга ҳар доим ёқади. Ўйинга қандай тайёрланган бўлсак, шундай ўйнадик. Гол уриш учун бизда бир нечта вазиятлар бўлди, аммо улардан фойдалана олмадик. Мағлубиятга қарамай, шогирдларимга эътирозим йўқ", деди ўзбекистонликлар мураббийи Аҳмаджон Мусаев.