Ҳамюртимиз Иброҳимхалил Йўлдошев ўйнаётган "Нижний Новгород" клубининг БААдаги йиғин доирасидаги ўртоқлик учрашувларидаги рақиблари маълум бўлди. "Нижний Новгород" Жанубий Кореянинг "Чонбук" ва "Ростов" билан учрашади.

Айни дамда БААдаги йиғиндаги "Нижний Новгород" клубининг ўйинлари тақвими қуйидагича:

21 январь - "Чонбук" билан ўйин;
21 феврал - "Ростов" билан ўйин.

2024 йилда "Нижний Новгород" жамоаси БААда учта йиғин ўтказишни режалаштирган. Биринчи йиғин 10-23 январь кунлари Ажман шаҳрида бўлиб ўтади. Иккинчи йиғин 28 январдан 8 февралга қадар Абу-Дабида бўлиб ўтади. 12 феврал куни бошланиб, 23 февралгача давом этадиган учинчи йиғин ҳам Абу-Дабида бўлиб ўтади.

Айни дамда "Нижний Новгоро" Россия Премьер-лигаси турнир жадвалида 9-ўринни эгаллаб турибди. Сергей Юран шогирдлари 18 турдан сўнг 24 очко жамғаришди. Ўтган мавсумда "Нижний Новгород" Россия чемпионатида 13-ўринни эгаллади.