«Милан» «Штутгарт» ҳужумчиси Серу Гирассининг хизматларига қизиқиш билдирмоқда, деб хабар беради La Gazetta dello Sport.
Манбага кўра, "россонерилар" немис клуби ҳужумчисини ҳужумни кучайтириш учун энг мос вариант сифатида кўрмоқда ва асосий омиллардан бири 17,5 миллион еврони ташкил қилувчи товон пули бўлади.
27 ёшли Гвинея миллий футболчисининг "Штутгарт" билан шартномаси 2026 йилнинг 30 июнига қадар амал қилади.
Бундеслиганинг жорий мавсумида Гирасси барча мусобақаларда 13 та ўйинда қатнашиб, 16 бор рақиблар дарвозасига аниқ зарба йўллаган.
У тўпурарлар рўйхатида иккинчи ўринни эгаллаб турибди. У жамоадошларига биттадан голли узатма берган.
