"Милан" A Серияда ғалабали йўлга қайтди, Стефано Пиоли шогирдлари "Монца"ни мағлуб этишди, аммо кадрлар билан боғлиқ муаммо бор эди - жамоа ярим ҳимоячиси Томмасо Побега жароҳат олиб, сафдан чиқди.
Италиянинг La Gazzetta Dello Sport нашри аниқлик киритишича, ҳозир жарроҳлик масаласи кўриб чиқилмоқда - бу ҳолатда Побега катта эҳтимол билан мавсумнинг қолган қисмини ўтказиб юборади.
Aйни вақтда "Милан" Италия чемпионати турнир жадвалида учинчи ўринда бормоқда. A сериянинг навбатдаги турида Стефано Пиоли шогирдлари меҳмонда “Салернитана”га қарши кураш олиб боришлари керак.
