Ҳамдўстлик кубогининг чорак финалида Ўзбекистон ёшлар терма жамоаси дарвозасига иккинчи голни урган футболчи Андрей Панюков «Чемпионат.com»га интервью берди.

"Ўйин оғир кечди, аммо натижадан хурсанд бўлдик", дейди Панюков. "Балки ўйинда кўп гол урилмагандир, аммо биз ярим финалга чиқдик, шунинг ўзи етарли. Ўзбекистон билан биринчи ўйинда эса бизга куч етишмаганди. Ҳозир эса бир-биримизни яхши тушуниб олдик, ўйнаш осонроқ. Иккита гол урдик ва бирорта ҳам гол ўтказиб юбормадик. Бу яхши!"

Футболчи ўзининг урган голи ҳақида қуйидагиларни айтиб ўтди: "Чап қанотга тўп узатилди ва у ерда Ни4ита Бочарев тўпни қабул қилиб, тўпни менга етказди. Тўпга оёқ қўйиш қолганди холос. Мусобақада ҳозирча 4та гол урдим. Аммо олдимга турнир тўпурари бўлиш эмас, жамоа билан ғолибликни қўлга киритишни мақсад қилганмиз".

"Чорак финалда бизга яна Ўзбекистон тушганини билганимиздан кейин фақат ғалабани кўзлаб ўйинга тайёргарлик кўрдик. Видеода Ўзбекистоннинг ўйинини таҳлили қилиб чиқдик. Ўзбекистон учун Россия билан ўйнаш катта воқеа ва улар катта мотивация билан тўп сурдилар", дейди футболчи.

Россия ёшлар терма жамоаси Ҳамдўстлик кубогида фақат Осиё жамоалари билан ўйнашди — Ўзбекистон, Қозоғистон ва Қирғизистон. Европа ва ОСиё футболи ўртасидаги фарқ хусусида Панюков қуйидагиларни таъкидлади:
"Ўйин услубида фарқ бор, албатта. Осиё жамоалари олдинга интилишни мақсад қилишади. Улар комбинацион ўйинга кўп эътибор қаратишади. Тўпни рақиб дарвозасига олдига тезроқ етказишга ҳаракат қилишади. Аммо мен буни "ур-теп" демаган бўлардим. Шунчаки, улар Европадан фарқли равишда, коммбинацион футболни унчалик ёқтиришмайди".