Лондоннинг “Арсенал” клуби жамоа ҳужумчиси Эдди Нкетианинг келажаги борасида бир қарорга келди. Журналистларга маълум бўлишича, раҳбарият футболчини ҳеч бўлмаганда жорий мавсум охиригача сақлаб қолишга қарор қилган.
Нкетианинг ўзи ҳам клубини ўзгартиришдан манфаатдор эмас. 24 ёшли ҳужумчи Микель Артета жамоасида ўйнашни давом эттирмоқчи.
Нкетиа 2015 йилдан бери Лондон клубида ўйнайди. Жорий мавсумда ҳужумчи "Арсенал" сафида 23 та ўйинда қатнашиб, 6 та гол ва иккита голли узатмага муаллифлик қилган. Унинг шартномаси 2027 йилнинг ёзига қадар мўлжалланган
