Россия ва Ўзбекистон ёшлар терма жамоалари ўртасидаги ўйинни барча кўрди. Бутун ўйин давомида ўзбекистонликлар мухлисларнинг қўллаб-қувватлаши баландроқ янграб тургани бор гап. Бунда мухлисларимизнинг ҳиссаси катта.

Ушбу ҳолат россиялик журналистларнинг эътиборидан ҳам четда қолмади. Sportdaily.ru сайти бу ҳақда қуйидагиларни ёзди.

"Учрашувга жуда кўп ўзбек футбол мухлислари ташриф буюришди. Уларнинг сони мезбон ишқибозлари сонидан асло кам эмасди. Улар бир сония ҳам тинч ўтиришмади ва ўзларининг ҳайқириқлари билан Россия терма жамоасининг мухлислари овозини ўчириб қўйишди. Улар доимо нималардир деб бақиришди, ҳуштак ва қарсаклар чалишди. Уларнинг энг машҳур ҳайқириғи эса бизга "Зенит"ни ёдга солди".