Суперлига бош директори ушбу турнир жорий еврокубоклардаги камчиликларни тўғирлашини айтди.

“Февраль ойида эълон қилинган ўнта тамойил бизнинг таклифимизнинг асоси бўлиб қолмоқда.

Улардан баъзиларини такрорлашга арзийди, масалан, иштирок этиш спорт маҳоратига асосланади. Доимий аъзолар бўлмайди ва клублар ўз миллий лигаларига содиқ қоладилар.

Клублар билан муҳокамалар давомида биз иккита асосий муаммони аниқладик. Биринчиси, клублар Европа даражасида яхши натижа кўрсатиши мумкин, аммо кейинги мавсумда Европа мусобақаларида қатнаша олмайди. Бу ноҳақлик ва спорт принципи тушунчасига мос келмайди.

Иккинчидан, клублар ўйинчилар, инфратузилма, аёллар жамоалари учун маблағ ажрата олмайди, чунки ҳозирги тизимда клубларнинг катта қисми Европадан келадиган даромадга таяна олмайди.

Турниримиз тузилмаси ушбу муаммоларни ҳал қилишга ёрдам беради ва шу билан бирга футболчилар ва мухлисларга юқори даражадаги футбол учун имкониятлар яратади, деб ўйлаймиз”, — деди Бернд Райхарт.