Эртага Қашқадарёда анъанавий Қашқадарё вилояти ҳокими кубоги беллашувларига старт берилади.

10 та жамоа иштирок этадиган ушбу мусобақада “А” гуруҳида “Насаф” ўринбосарлари, “Олимпия” (Қарши), “Машъал”, “Сурхон” ҳамда “Насаф” футбол мактаби жамоаси кураш олиб борса, “В” гуруҳида “Шўртан” ўринбосарлари, “Бинокор” (Қарши), “Шўртан” футбол мактаби, “Нуристон” (Нишон) ҳамда “Аланга” жамоалари иштирок этишади. Беллашувлар “Насаф” футбол мактабида қарашли сунъий қопламали майдонда ва “Шўртан” жамоаси стадионларида ўтказилади.

25 январь куни соат 9:30 да мусобақанинг илк учрашувида “Машъал” ва “Олимпия” жамоалари баҳс олиб боришади. Куннинг иккинчи учрашувида “Насаф” ўринбосарлари “Насаф” футбол мактаби жамоасига қарши куч синашишади.