Мадриднинг “Реал” клуби Ла Лига турнир жадвалида пешқадамликни қўлга олди.
Камчиликла ҳаракат қилган мураббий Карло Анчелотти шогирдлари Ла Лиганинг 18-тури доирасидаги ўйинда "Алавес"ни мағлуб этди (1:0).
Мадрид клуби 18 учрашувда 45 очко жамғариб, Испания чемпионати турнир жадвалида биринчи ўринни эгаллади.
Иккинчи ўринда бораётган “Жирона”да ҳам очколари сони 45 тага етди, бироқ жамоа ўзаро ўйинда “Реал”га ютқазиб қўйди ва бу мадридликларни турнир жадвалида биринчи ўринга олиб чиқди.
"Барселона" 18 ўйиндан кейин 38 очко билан турнир жадвалининг учинчи поғонасида бормоқда. Тўртинчи ўринда 17 ўйиндан 35 очко тўплаган "Атлетико" жойлашган.
