Мадриднинг “Реал” клуби Мэйсон Гринвудни сотиб олмоқчи бўлган клублар қаторига қўшилди.
22 ёшли футболчи "Хетафе"да "Манчестер Юнайтед"дан ижара асосида ўйнамоқда. Баъзи маълумотларга кўра, англияликнинг муваффақиятини "Барселона" ва "Атлетико" клублари кузатиб боришмоқда. Mundo Deportivo хабарига кўра, форвардга яна бир Ла Лига гиганти "Реал Мадрид" ҳам қизиқиш билдирмоқда. “Қизил иблислар” Мэйсон Гринвуд борасида режалари йўқ ва келаси ёзда унинг трансфери бўйича таклифларни кўриб чиқади.
Мэйсон Гринвуд “Хетафе” сафида 15 та ўйинда майдонга тушиб, 5 та гол ва 4 та голли узатмага муаллифлик қилган. Transfermarkt экспертлари "МЮ" тарбияланувчисининг нархини 5 миллион еврога баҳоламоқда.
