Европа суди Халқаро футбол федерацияси (ФИФА) ва Европа футбол ассоциациялари иттифоқининг (УЕФА) Суперлига ташкил этилишини тақиқлаш бўйича ҳаракатларини ноқонуний деб топгач, “Челси” ва “Тоттенхэм” клублари баёнот берди.
“Европа клублари ассоциацияси, шунингдек, УЕФА ва ФИФА билан мустаҳкам алоқаларимиз туфайли биз биргаликда Европа футболини ривожлантиришда давом эта оламиз”, дейилади "Челси" баёнотида.
"Тоттенхэм" ўз позицияси ўзгармаганини тасдиқлади.
"Биз Европа футболи қадриятларига содиқ қоламиз", деди клуб.
21 декабрь куни Европа суди ФИФА ва УЕФАнинг Суперлига ташкил этилишини тақиқлаш бўйича ҳаракатларини ноқонуний деб топишга қарор қилди.
