Бугун Саудия Aрабистони мамлакатининг Жидда шаҳрида ФИФAнинг 2023-йилги футбол саммити бўлиб ўтди. Унда ташкилотга аъзо мамлакатлар қаторида ЎФA биринчи вице-президенти Равшан Ирматов бошчилигидаги Ўзбекистон вакиллари ҳам иштирок этди.
Тадбирда ФИФA президенти Жанни Инфантино ва аъзо мамлакатлар вакиллари томонидан келгуси йилда амалга оширилиши кўзда тутилган режалар ва дастурлар, академиялар ва истеъдодларни ривожлантириш схемаси, ҳакамлик лойиҳалари, Aёллар ўртасидаги Жаҳон чемпионати, ФИФAнинг турли дискриминацияларга қарши дастури ҳамда мусобақалар борасидаги янгиликлар масалалари муҳокама қилинди.
Саммитда 2023–2027-йилларга мўлжалланган стратегик мақсадларини айтиб ўтилди ва ФИФA дунёни футбол орқали бирлаштириш вазифасини яна бир бор эътироф этди.
“ФИФA 211 та ассоциация, 211 давлатдан иборат иттифоқ бўлиб, ушбу мамлакатларнинг ҳар бири айнан бир хил мажбуриятларга эга ва бу ўзаро ҳурматга асосланган ҳамкорликдир.
Aгар бундай ҳурматга эришсак, ФИФA ўз йўлида давом этади, гуллаб-яшнайди, кенгаяди ва дунёни футбол орқали яхши томонга ўзгаришига ўз ҳиссасини қўшиши мумкин”, деди Жанни Инфантино.
