Мадриднинг «Реал» клуби дарвозабони Икер Касильяс бугун яъни жума куни қўлидан олган жароҳати сабаб жарроҳлик амалиётини ўтайди.
Шифокорларнинг таъкидлашича, Касильяс ушбу жароҳат натижасида олти ёки саккиз ҳафта мобайнида майдонга туша олмайди.
Бунинг натижасида футболчи Европа чемпионлар лигасининг нимчорак финал «Манчестер Юнайтед» клубига қарши дастлабки учрашув ва Испания кубогининг ярим финал учрашувларини ўтказиб юборади. Дарвозабоннинг тикланиш жараёни бир маромда давом этса, «МЮ»га қарши 5 март куни бўладиган иккинчи учрашувга тайёр ҳолатда бўлиши мумкин.













