Лиссабоннинг «Спортинг» клуби дарвозабони Руи Патрисиу фаолиятини Испания чемпионатида давом эттириши мумкин. Бу ҳақда «Tuttomercatoweb» нашри хабар тарқатди.
Манбанинг маълум қилишича, 24 ёшли дарвозабонга Каталониянинг «Барселона» клуби қизиқиш билдирмоқда. Клуб жамоа билан шартномани узайтиришни хоҳламаган Виктор Вальдеснинг ўрнига номзод сифатида қаралмоқда.
Патрисиунинг шартномасига мувофиқ унинг клубдан кетиши учун белгиланган сумма 40 миллион еврони ташкил қилади. Патрисиунинг шартномаси 2018 йилга қадар мўлжалланган.